Sorlak ilaasortaminik ataatsimeersuartitsillunilu ukiunik 30-inngortorsiortitsissaaq Nuummi Augustip ulluisa 12-iani, 13-iani, 14-ianilu ukioq 2014-imi.

Tamatumunnga atatillugu, Sorlammut ilaasortaasut sineriammeersut qaaqqusaapput.

August-ip ulluisa 12-iani, 13-iani, 14-ianilu Katuami ataatsimeersuartoqarlunilu ukiunik 30-inngortorsiortoqassaaq.

Sorlak pisiniarfinnut Nuummiittunut assigiinngitsunut sponsor-iisussarsiornermini siunertaraa, meeqqat inuusuttullu nalliuttorsioqataalernissaat.

August-ip ulluisa 13-iani ataatsimiit, meeqqat inuusuttullu Katuap silataani grill-erisoqarnermut tikilluaqqusaapput. Naatitaqassaaq assigiinngitsunik, Sunlolly-nik sikullertoqassaaq, pullartagaqassaarlu.

Sorlaap pullattartoq qungasersuujusarsuaq attartorniarpaa, tassani meeqqat mikinerit pinnguarsinnaaqqullugit.

Sorlaap 12. august-imit 14. august-imut ataatsimeersuarnerani meeqqanik inuusuttunillu sullissisut, Sorlammullu ilaasortaanngitsut tikilluaqqusaapput alaatsinaattutut.

Sorlammit misissorneqarpoq, nipilersortartut unplugged-erlutik aliikkusersueqataasinnaanissaat. Soqutiginnittut Sorlammut, oqarasuaatikkut 348400-imut, mobil-imulluunnit 554733-imut saaffiginnissinnaapput.

 

Nuummi Illorsuaq Timersortarfik Inussivillu, Kommuneqarfik Sermersoorlu sulleqatigiillutik pullattartoq qungasersuujusarsuaq sponsor-eererpaat. .

Stark-i grill-erinissami atortunik sponsor-iivoq.

 

Pisiffik 250-inik pølsillerlunilu qaqortuliallerlunilu naatitartugassallerpoq.

 

Brugsen-i sikutugassanik Sunlolly-nik 250-inik pullartakkanillu 250-inik tunniussivoq.

 

Nuuk FM-i akeqanngitsumik, Sorlaap aaqqissuussinera Katuap silaatani pisoq pillugu, paasissutisseeqataarpoq.