Sorlak tassaavoq, Kalaallit Nunaanni, meeqqat inuusuttullu siunnersuisoqatigiiffiat, 1984-imi pilersinneqartoq. Taamani meeqqat inuusuttullu ataatsimoortumik kattuffeqarnissaat anguniarneqarmat, nunatsinnilu meeqqat inuusuttullu pisariaqartitaannik aallussisinnaasoqarniassammat. Sorlak tassaavoq, Kalaallit Nunaanni siullerpaamik meeqqat inuusuttullu kattuffiat, suliniutigineqarlutillu meeqqat inuusuttullu atugarisamikkut pitsanngorsaaffigineqarnissaat.

IMG 1782

Nalunngiluk

  • Sorlaap ukiorpassuarni ilisarnaatigaa, inuusuttunut 14-17-inut ukiulinnut højskole-rtitsisarnini. Ukioq 2015-imi, juli-p ulluisa 7-ianit 18-iata tungaanut, Knud Rasmussen-ip Højskolea suleqatigalugu, Sorlak inuusuttuaqqanut højskole-rtitsiniarpoq.
  • Meeqqat Ulluat 1. juni, Sorlaap malunnartinniarpaa.
  • Inuusuttut Ulluat 30. september, Sorlaap malunnartinniarpaa.
  • Nuna tamakkerlugu, Sorlak 3390-t missaannik, ilaasortaqarpoq.
  • Sorlaap siulersuisuini arfineq-marluk ilaasortaapput. Siulersuisuni ilaasortat, nuna tamakkerlugu aallaavilimmik, ukiut marlukkaartumik ilaasortaasarput. Siulersuisut, Sorlaap ataatsimeersuarnerani, Sorlaap ilaasortaanit qinerneqartarput.


Sorlak, nuna tamakkerlugu ilaasortaaffigineqartumik, assigiinngitsunik ataatsimiititaliaqarpoq:

  • Malittarisassanut ataatsimiititaliaq
  • Pilersaarutit piviusunngortinnissaannut ataatsimiititaliaq.
  • Ilaasortassarsiornissamut, paasisitsiniaanermut, pikkorissarnermut, siammarsaanermullu ataatsimiititaliaq.
  • Nunanut allanut ataatsimiititaliaq.
  • Imminut toquttarnerup akiorniarnissaanut, pinaveersaartitsinermullu ataatsimiititaliaq.
  • Kultur-imut, utoqqaallu suleqatigineranut, ataatsimiititaliaq.