thumbnail Image1

Emma Lennert

Siulersuisuni Siulittaasoq

๐—˜๐—บ๐—บ๐—ฎ ๐—ธ๐—ถ๐—ป๐—ฎ๐—ฎ๐˜ƒ๐—ฎ?

Emma Lennert 25-inik ukiulik sisimiormiuuvoq, ulluinnarnilu meeqqat atuarfiani ilinniartitsisuulluni.

 

Emma Sorlammi ukiut tallimat sulinikuuvoq,  2016-imi siulersuisunut ilaasortanngorpoq, maannalu siulittaasutut qinigaaqqammerpoq.

 

๐—ฆ๐—ผ๐—ฟ๐—น๐—ฎ๐—บ๐—บ๐—ถ ๐˜€๐˜‚๐—ป๐—ฎ ๐—ฎ๐—ป๐—ด๐—ผ๐—ฟ๐˜‚๐˜€๐˜‚๐—ฝ๐—ฝ๐—ฎ๐—ฟ๐—ฎ?

“Pingaarnertut Sorlaap ingerlanera toqqisisimasumik peqqissaartumillu ingerlanissaa angorusuppara,

kiisalu Sorlaap ukiuni marlunni tulliuttuni anguniagassai anguneqarnissaat. Anguniakkat Sorlammi suleqatikkalu suleqatigiilluta angujumaarigut qularinngilara” Emma oqarpoq.

 

๐— ๐—ฒ๐—ฒ๐—พ๐—พ๐—ฎ๐—ป๐˜‚๐˜ ๐—ถ๐—ป๐˜‚๐˜‚๐˜€๐˜‚๐˜๐˜๐˜‚๐—ป๐˜‚๐—น๐—น๐˜‚ ๐—ผ๐—พ๐—ฎ๐—ฟ๐—ถ๐—ฎ๐—ฟ๐˜๐˜‚๐˜‚๐˜๐—ฎ๐—ถ:

Emmap Sorlaap aaqqissuussanut meeqqat inuusuttullu peqataasarnissaat kaammattuutigaa.

“Sorlammut peqataalluni inuttut ineriartornartorujussuuvoq,  pikkorissarnermi nutaamik ilisimasaqalerneq, nutaanik kammattaartorneq, ataatsimoornerlu nuannersumik misigalugit taakkua puigunaatsorujussuusarput๐Ÿ˜

 

Aamma qujamasuttarnissaq qaamasumillu isiginnittaaseqarnissaq peqqinnartutut isigivara๐Ÿ’ซ

Nittartakkartigut akerartuunnerit pinngikkaluarlugit eqqaamasassagipput aamma nersualaarinnissinnaagatta” Emma oqarpoq

thumbnail Image11

Qulutannguaq Berthelsen

Siulittaasup tullia

๐—ค๐˜‚๐—น๐˜‚๐˜๐—ฎ๐—ป๐—ป๐—ด๐˜‚๐—ฎ๐—พ ๐—ธ๐—ถ๐—ป๐—ฎ๐—ฎ๐˜ƒ๐—ฎ?

Qulutannguaq Berthelsen 37-nik ukiulik Aasiammiuuvoq, 2005-milu nuummiunngornikoq. Ulluinnarnilu sanaartorfimmi kuitsivilerisoq “betonmand” ukiuni 15-nini suliffigalugu.

 

Qulutannguaq Sorlammi siulersuisunut ilaasortanngoqqaarpoq ukioq 2012 naalersoq.

Qulutannguaq 2016-2021 Sorlammi siulittaasuuvoq, mannalu siulittaasup tulliatut inissisimalluni.

 

๐—ฆ๐—ผ๐—ฟ๐—น๐—ฎ๐—บ๐—บ๐—ถ ๐˜€๐˜‚๐—ป๐—ฎ ๐—ฎ๐—ป๐—ด๐—ผ๐—ฟ๐˜‚๐˜€๐˜‚๐—ฝ๐—ฝ๐—ฎ๐—ฟ๐—ฎ?

“Pingaartitaraara sorlammi ilaasortat suleqatinginissai ilaasortallu kissaatai malillugit suliniutinik piviusunngortitsinissaq angorusullugu, minnerunngittumik sorlammi siulersuisut suleqatigilluarnissai ataatsimut suleqatigiinneq angusaqarfiulluartarmat.

 

Peqqinnartuuvoq meeqqat inuusuttullu akornanni ataatsimooqatigiittarneq nukinnik nutaanik pilersitsisuusarmat, Sorlak aqqutissiuisuuvoq suliniutinik assingiinngittunik” Qulutannguaq oqarpoq.

 

Qulutannguaq isumaqarpoq meeqqat inuusuttullu oqariartuutai pimoorullugit tusarnaangassaasut. Meeqqat inuusuttullu eqqarsariallaqqittuuneri, isummerluttaqqittuuneri, oqariatullaqqittuunerilu atorluartariaqarigut.

 

๐— ๐—ฒ๐—ฒ๐—พ๐—พ๐—ฎ๐—ป๐˜‚๐˜ ๐—ถ๐—ป๐˜‚๐˜‚๐˜€๐˜‚๐˜๐˜๐˜‚๐—ป๐˜‚๐—น๐—น๐˜‚ ๐—ผ๐—พ๐—ฎ๐—ฟ๐—ถ๐—ฎ๐—ฟ๐˜๐˜‚๐˜‚๐˜๐—ฎ๐—ถ:

Qulutannguup Sorlaap højskolertitsisarneranut meeqqat inuusuttullu peqataasarnissaat kaammattuutigaa. Aammalu ilaqutariinneq toqqissisimasoq angerlarsimaffillu toqqissisimasuunissaat kissaatigaa, meeqqat inuusuttullu pillugit.

 

“ Meeqqat inuusuttullu atungaat assingiinngisitaartuupput, taamaattumik Sorlammi højskolertitsisarnerput iluaqutaasaqaaq, inuttut ineriartornermut tunngasunik sakkussaanik immersorneqarluartarput tamannalu iluaqutingineqarluartarpoq, taamattumik inuusuttut atorluaanissai kissaatingaara.

 

Kaammattuutingerusuppara ataatsimoorluta nukimmik nutaamik pilersitsisa. Ilaqutariinneq toqqissisimasoq angerlarsimaffillu toqqissisimasut meeqqat inuusuttullu pillugit suliniuteqartuarta! “

Qulutannguaq oqarpoq.

thumbnail Image21

Aputsiaq Petersen

Ulluinnarni Aqutsisoq

๐—”๐—ฝ๐˜‚๐˜๐˜€๐—ถ๐—ฎ๐—พ ๐—ธ๐—ถ๐—ป๐—ฎ๐—ฎ๐˜ƒ๐—ฎ?

Aputsiaq Petersen 24-nik ukiulik nuummiuuvoq ulluinnarnilu Matu Security-mi sulisuulluni.

 

Aputsiaq 2016-miilli ataasiaannaanngitsoq Sorlammi peqataasareerluni suleqataasareerlunilu aasaq maanna siulersuisunut ilaasortanngorpoq.

 

๐—ฆ๐—ผ๐—ฟ๐—น๐—ฎ๐—บ๐—บ๐—ถ ๐˜€๐˜‚๐—ป๐—ฎ ๐—ฎ๐—ป๐—ด๐—ผ๐—ฟ๐˜‚๐˜€๐˜‚๐—ฝ๐—ฝ๐—ฎ๐—ฟ๐—ฎ?

“Pingaarnerpaatut siulersuisuni ilaasortaaqatikka minnerunngitsumillu sorlammut ilaasortat suleqatigilluarnissai pingaartippakka. Aammattaaq ilaasortat kissaatai tusarnaarnissai pingaartitaralugit” Aputsiaq oqarpoq.

 

Aputsiaq isumaqarpoq meeqqat inuusuttullu sammisassaqartitsivii qaammarsaafigineqartariaqartut.

 

“Sorlammi siulersuisunut ilaasortatut anguniagarivara meeqqat inuusuttullu sammisassaqartitsivii qaammarsassallugit. Nalunngilarput ulluinnarni meeqqat inuusuttunullu sammisassaqartitsiviit suli qaammarsarnerusinnaagigut tamannalu suliniutigissavarput meeqqat inuusuttullu ulluinnarni susassaqartitsiviit suleqatigalugit ” Aputsiaq erseqqissaavoq.

 

๐— ๐—ฒ๐—ฒ๐—พ๐—พ๐—ฎ๐—ป๐˜‚๐˜ ๐—ถ๐—ป๐˜‚๐˜‚๐˜€๐˜‚๐˜๐˜๐˜‚๐—ป๐˜‚๐—น๐—น๐˜‚ ๐—ผ๐—พ๐—ฎ๐—ฟ๐—ถ๐—ฎ๐—ฟ๐˜๐˜‚๐˜‚๐˜๐—ฎ๐—ถ:

Aputsiaq meeqqanut inuusuttullu tunuarsimaartannginnissaanik kinaassusertillu atorlugu sassartarnissaanik kaammattuivoq.

 

“Sorlammi peqataalluni pissarsianik arlalinnik ilinniutaasinnaasunik aallerfiulluartarpoq, inuttut ineriartornartuuvoq, nutaanik kammattaartorneq, ilikkagaqarsimallunilu tunniusserusunnermik pilersitsisarluni.

 

Eqqaamaannassavat illit illiuvutit sapinngikkuma aamma illit sapinnginnavit aammattaarlu eqqaamassavat inuuneq qalipaatilersugaq nuannersuuvoq” Aputsiaq oqarpoq.

thumbnail Image31

Karen Olsen-Lyberth

Siulersuisunut Ilaasortaq

๐—ž๐—ฎ๐—ฟ๐—ฒ๐—ป ๐—ธ๐—ถ๐—ป๐—ฎ๐—ฎ๐˜ƒ๐—ฎ?

Karen Olsen-Lyberth 24-inik ukiulik Sisimiormiuuvoq. Karen takornarissanik angallassisartutut ilinniarsimasuuvoq, nunarsuarmi angalanermik nuannarisalik, ulluinnarnilu meeqqat angerlarsimaffiani suliffeqarluni.

 

๐—ฆ๐—ผ๐—ฟ๐—น๐—ฎ๐—บ๐—บ๐—ถ ๐˜€๐˜‚๐—ป๐—ฎ ๐—ฎ๐—ป๐—ด๐—ผ๐—ฟ๐˜‚๐˜€๐˜‚๐—ฝ๐—ฝ๐—ฎ๐—ฟ๐—ฎ?

“Sorlammi pingaarnertut sulissutigerusuppara, nunani issittuni avannarlernilu attaveqatigiinnerup nukittorsarnissaa, anguniagaqartilluni suleqatigiinnerup suliaq oqilisittarmagu.” Karen oqarpoq.

 

Karen isumaqarpoq Sorlak avammut ersarinnerulertariaqartoq.

 

“Sorlaap avammut nittarsaannerulernissaa pingaaruteqarpoq, taamaaliornikkut meeqqat inuusuttullu ilisimaarinerulerniassammassuk qanimut suleqatigaluta pissutsinik allanngueqataasinnaallutik.” Karen erseqqissaavoq.

 

๐— ๐—ฒ๐—ฒ๐—พ๐—พ๐—ฎ๐—ป๐˜‚๐˜ ๐—ถ๐—ป๐˜‚๐˜‚๐˜€๐˜‚๐˜๐˜๐˜‚๐—ป๐˜‚๐—น๐—น๐˜‚ ๐—ผ๐—พ๐—ฎ๐—ฟ๐—ถ๐—ฎ๐—ฟ๐˜๐˜‚๐˜‚๐˜๐—ฎ๐—ถ:

Karenip kaammattuutigaa tunuarsimaarani nuannarisanik pikkoriffinnillu ujartuilluni misileraajuartarnissaq.

 

“Sorlaap pikkorissartitsisarneranut allanilu periarfissaqartilluni sakkussanik aallerfiusinnaasuni tunuarsimaarani peqataasarnissaq kaammattuutigerusuppara, inuuneq tamaat ilinniarfiummat.” Karen oqarpoq.

 

Karenip nunanut allanut paasisassarsiorluni angalasarnissaq innersuutigaa๐ŸŒโœˆ๏ธ

Pisinnaasorisat qaangerlugit misigisassarsiorneq nukittuunngortitsisarmat.

 

“Inuunermi nuannersunik ujartuiuaritsi, eqqaamallugulu sinnattusi angorusutasilu piumagussi nammineerlusi piviusunngortissinnaagassigit.” Karen oqarpoq.

Petra Olsvig1

Petra Olsvig Inûsugtok

Siulersuisunut Ilaasortaq

๐—ฃ๐—ฒ๐˜๐—ฟ๐—ฎ ๐—ธ๐—ถ๐—ป๐—ฎ๐—ฎ๐˜ƒ๐—ฎ?

Petra Olsvig Inûsugtok 22-nik ukioqarpoq Sisimiormiuuvoq. Petra ulluinnarni Ilinniarfissuarmi ilinniartuuvoq, ukiut pingajussaanut killilluni.

 

Petra 2021-mi aatsaat sorlammut siulersuisunut ilannguppoq, siornatigulli 2017-miilli sorlammut angalaqataasarluni.  

 

๐—ฆ๐—ผ๐—ฟ๐—น๐—ฎ๐—บ๐—บ๐—ถ ๐˜€๐˜‚๐—ป๐—ฎ ๐—ฎ๐—ป๐—ด๐—ผ๐—ฟ๐˜‚๐˜€๐˜‚๐—ฝ๐—ฝ๐—ฎ๐—ฟ๐—ฎ?

“Angorusuppara meeqqat inuusuttullu tusarneqartutut misiginissaat. Arlaannik oqaasissaqarunik isumartik malillugu isummersorsinnaanissaat, tamannalu sumiiffinni assingiinngittuni meeqqanik inuusuttunillu suliniuteqartut peqatigalugit sulissutinginissaat.

 

Tamanna sorlammi ilaasortat aammalu siulersuisooqatigiilluta ataatsimoornitsigut suliniutit meeqqat inuusuttullu pillugit suleqatigiilluta angusinnaavarput” Petra oqarpoq

 

๐— ๐—ฒ๐—ฒ๐—พ๐—พ๐—ฎ๐—ป๐˜‚๐˜ ๐—ถ๐—ป๐˜‚๐˜‚๐˜€๐˜‚๐˜๐˜๐˜‚๐—ป๐˜‚๐—น๐—น๐˜‚ ๐—ผ๐—พ๐—ฎ๐—ฟ๐—ถ๐—ฎ๐—ฟ๐˜๐˜‚๐˜‚๐˜๐—ฎ๐—ถ:

Petrap kaammattuutigaa Sorlaap aaqqissuussanut peqataalluni misiliinissaq.

 

“Sorlaap aaqqissuussaanut arlaannut peqataagitsi.

Sammisat assingiinngitsut pitillugit inuttut pissarsiaqarnartarpoq aammalu takusinnaasarlugu peqataasut allat pissarsiaqartut. Sakkussatsinnimmi tuniorarneqartarpugut inuttut aammalu qanoq sullissisinnaanerluta” Petra oqarpoq.

 

Petrap inuusuttut imatut oqarfigerusuppai:

 “Anguniangaqaruit sukataarutinguk aqqutaani aporfeeqqanik naapitsisarumaarputit kisiannili perusutat perusukkukku sukataarutiinnaruk”.


Nadia Olsen1

Nadia Olsen

Ulluinnarni Aqutsisoq

๐—ก๐—ฎ๐—ฑ๐—ถ๐—ฎ ๐—ธ๐—ถ๐—ป๐—ฎ๐—ฎ๐˜ƒ๐—ฎ?

Nadia Olsen 28-nik ukioqarpoq Iluliarmiuuvoq.

Nadia ulluinnarni Ilimmarfimmi ilinniartuuvoq, inuiaqatigiilerinermi ilisimatusarluni.

 

Nadia Sorlammi siulersuisunut ilaasortanngoqqammerpoq, siornatigulli Sorlaap aaqqissuussaanut peqataanikuulluni.

 

๐—ฆ๐—ผ๐—ฟ๐—น๐—ฎ๐—บ๐—บ๐—ถ ๐˜€๐˜‚๐—ป๐—ฎ ๐—ฎ๐—ป๐—ด๐—ผ๐—ฟ๐˜‚๐˜€๐˜‚๐—ฝ๐—ฝ๐—ฎ๐—ฟ๐—ฎ?

Nadia isumaqarpoq Sorlak social media aqqutigalugu ersarinnerulertariaqartoq.

 

“Angorusuppara Sorlak angalatitsilluni sammisassaqartitsinerata saniatigut, sociale medie aqqutigalugit ulluinnarni pisoqartitsinerunissaa” Nadia oqarpoq.

 

๐— ๐—ฒ๐—ฒ๐—พ๐—พ๐—ฎ๐—ป๐˜‚๐˜ ๐—ถ๐—ป๐˜‚๐˜‚๐˜€๐˜‚๐˜๐˜๐˜‚๐—ป๐˜‚๐—น๐—น๐˜‚ ๐—ผ๐—พ๐—ฎ๐—ฟ๐—ถ๐—ฎ๐—ฟ๐˜๐˜‚๐˜‚๐˜๐—ฎ๐—ถ:

Nadiap kaammattuutigaa misilinnikuunngisamik misiliisarnissaq. Aammalu kammagiinneq ikioqatigiinnerlu eqqaamaneqartassasut.

 

“Meerannguit inuusuttullu, inuunitsinni qanorluunnit misigisaqaraluarutta nuannaarneq, kammagiinneq ikioqatigiinnerlu toqqartaraanni inuuneq nuannersorpassuarnik misigisassaqarfiuvoq.

 

Misilinnikuunngisasi misilittarsigit, misigisassarsiorneq nutaanillu takusassarsiorneq nuannersuupput ๐Ÿคฉ soormimi ilaannikkut iluatsitsivallaanngikkaluaraanni - ajunngilaq. ๐Ÿ’ซ

 

Piginnaaneqartutit pikkorissuusutillu upperivakkit๐Ÿคฉ  

-Sorlammi takuss!”  Nadia oqarpoq.


Paninnguaq Kristensen1

Paninnguaq Kristensen

Siulersuisunut Ilaasortaq

๐—ฃ๐—ฎ๐—ป๐—ถ๐—ป๐—ป๐—ด๐˜‚๐—ฎ๐—พ ๐—ธ๐—ถ๐—ป๐—ฎ๐—ฎ๐˜ƒ๐—ฎ?

Paninnguaq Kristensen 30-inik ukiulik, Iluliarmiuuvoq.

Paninnguaq ulluinnarni ilisimatusarfimmi ilinniartuuvoq, inuussutissarsiornermi aningaasaqarnermik ilisimatusarneq ingerlallugu.

 

Paninnguaq ukiorpassuarni Sorlammi suleqataavoq.

Paninnguaq ukioq 2012-imi Sorlammi siulersuisunut ilaasortanngoqqaarpoq, ukioq 2012-imiit siulersuisut ilaasortaasarpoq ukioq qinigaaffiusoq ataaseq pinnagu.

 

๐—ฆ๐—ผ๐—ฟ๐—น๐—ฎ๐—บ๐—บ๐—ถ ๐˜€๐˜‚๐—ป๐—ฎ ๐—ฎ๐—ป๐—ด๐—ผ๐—ฟ๐˜‚๐˜€๐˜‚๐—ฝ๐—ฝ๐—ฎ๐—ฎ?

Paninnguup imminut toquttarnerup pinaveersaartinneqartuarnissaa pingaartitaraa.

 

“Kalaallit nunatsinni imminut toquttarnerup aammalu imminut toqunnissamik eqqarsaateqartarnerup kisitsisitigut qaffasippallaarput. Ikioqatigiinnikkut qaammarsaanikkullu pinaversaartitseqataajuaannarsinnaavugut.” Paninnguaq oqarpoq.

 

Paninnguup meeqqat inuusuttullu Sorlaap aaqqissuussanut peqataasut inuttut pissarsisarnissaat, ineriartornissaallu angorusuppaa. Aammalu peqataasut isumaat oqariartuutaallu tusaaneqartarnissaat pingaartittarlugu.

 

“Suliniutit sorlammiit ingerlanneqartartut inuttut ineriartorfiusarput, meeqqanut inuusuttunullu nalimmassarlugit pilersaarusiorneqartarlutik. Peqataaffigalugit pissarsinartuaannarput, periarfissallu atorluaqqunarput. Peqataanikkut isummat oqariartuutillu tusarneqarnissaat periarfissaasarpoq.”

Paninnguaq erseqqissaavoq.

 

๐— ๐—ฒ๐—ฒ๐—พ๐—พ๐—ฎ๐—ป๐˜‚๐˜ ๐—ถ๐—ป๐˜‚๐˜‚๐˜€๐˜‚๐˜๐˜๐˜‚๐—ป๐˜‚๐—น๐—น๐˜‚ ๐—ผ๐—พ๐—ฎ๐—ฟ๐—ถ๐—ฎ๐—ฟ๐˜๐˜‚๐˜‚๐˜๐—ฎ๐—ถ:

Paninnguaq meeqqat inuusuttullu qaammarsaavigineqartuarnissaat pisinnaatitaaffinnillu ilisimaarinninnissaat pingaaruteqartuusoq isumaqarpoq.

 

“Sorlaap aaqqissuussaani peqataanikkut ilisimasassanik katersisoqarsinnaavoq.

 

Kammattuutigerusuppara peqataalluartoqartuaannarnissaa, misigisassanik puigunaatsunik pissarsiaqarnartarmat.

Kammalaatitaartornerit, illoqarfiit ilaanni tikinnikuunngisat tikinneqarsinnaaneri, peqataasullu ilisimasanik avitseqatigiinnerit suliniutissanillu isumataartoqatigiinnerit pisinnaasarlutik. Nuannersunik unamminarsinnaasunillu pissarsiaqarnartarpoq, peqataanissassinnillu innersuuppassi.

 

Periarfissasi atorluarsigit, pisinnaatillusilu misigisassarsiorlusi nuannersoqartuaannarpoq.” Paninnguaq oqarpoq.


 

Siulersuit ilisarinnerani, Sorlaap ukiuni marlunni tulliuttuni (2021-2023) anguniagassai ilisaritinneqarsinnaapput.

Aamma startsidemi asseq ilaanissaa kissaatiginarpoq.

 

Aajukua anguniakkat:

๐—ฆ๐—ผ๐—ฟ๐—น๐—ฎ๐—ฎ๐—ฝ ๐˜‚๐—ธ๐—ถ๐˜‚๐—ป๐—ถ ๐—บ๐—ฎ๐—ฟ๐—น๐˜‚๐—ป๐—ป๐—ถ ๐˜๐˜‚๐—น๐—น๐—ถ๐˜‚๐˜๐˜๐˜‚๐—ป๐—ถ ๐—ฎ๐—ป๐—ด๐˜‚๐—ป๐—ถ๐—ฎ๐—ด๐—ฎ๐˜€๐˜€๐—ฎ๐—ถ

Sorlaap 2021-2023-imi anguniagassai ugguuna atuarsinnaavatit๐Ÿ˜

 

๐™Ž๐™ค๐™ง๐™ก๐™–๐™  ๐™จ๐™ค๐™˜๐™ž๐™–๐™ก๐™ฉ ๐™ข๐™š๐™™๐™ž๐™š๐™ ๐™ ๐™ช๐™ฉ ๐™ž๐™ก๐™–๐™–๐™จ๐™ค๐™ง๐™ฉ๐™–๐™ข๐™ž๐™ฃ๐™ช๐™ก๐™ก๐™ช ๐™ฃ๐™ช๐™ž๐™ข๐™–๐™ฃ๐™š๐™ง๐™ช๐™ก๐™š๐™ง๐™ฃ๐™ž๐™จ๐™จ๐™–๐™– ๐™–๐™ฃ๐™œ๐™ช๐™ฃ๐™ž๐™–๐™ง๐™ฃ๐™š๐™ฆ๐™–๐™จ๐™จ๐™–๐™–๐™ฆ.

Ataatsimeersuarnermi eqqartorneqarpoq Sorlaap avammut nittarsaannera annertusarneqartariaqartoq, aammalu ilaasortaareersunut Sorlaap qanoq ingerlaneranut malinnaatitsinerulernissaq kissaataalluni.

Taamaattumik Sorlak sociale mediakkut  (Facebook, Instagram, Podcast, TikTok-ikkullu) nuimanerulernissani ukiuni marlunni anguniagassatut ilannguppaa.

Siulersuisut aalajangersaanerminni Sorlaap avammut nittarsaannera annertusarneqartariaqarpoq, aammalu ilaasortaareersunut Sorlaap qanoq ingerlaneranut malinnaatitsinerulernissaq eqqartorpaat.

Sorlaap nuimanerulernerani ilaasortat amerlinissaat naatsorsuutigineqarmat isumaqatigiissutigineqarpoq ilaasortassarsiorneq pivallaanngikkaluarlugu Sorlammi ilaasortaareersut ukkatarineqarnerunissaat

 

๐™Ž๐™ค๐™ง๐™ก๐™–๐™  ๐™ž๐™ฃ๐™ช๐™ž๐™–๐™ฆ๐™–๐™ฉ๐™ž๐™œ๐™ž๐™ž๐™ฃ๐™ฃ๐™ž ๐™ค๐™ฆ๐™–๐™ก๐™ก๐™ž๐™จ๐™จ๐™–๐™–๐™ง๐™ž๐™ฃ๐™š๐™ง๐™ช๐™ก๐™ž๐™จ๐™จ๐™–๐™–๐™ฆ

Ataatsimeersuarnermi siunnersuutigineqarpoq Sorlak podcastitaarnissaa, Sorlammi sammineqartartut inuiaqatigiit sorlammilu ilaasortat malinnaaffigisinnaaniassammassuk.

Siulersuisuni ilaasortat takorloorpaat studio-aqqamik pilersitsinissaq, tassani pulaartoqarluni oqallitsitsisarnissaq anguniarneqarpoq.

Sorlammi sammineqartartut assigiinngitsut, soorlu pikkorissartitsinermi sammisat, pikkorissartitsinermi pikkorissaasoq peqatigalugu ilisimasanilu avitseqatigilluni aammalu inuinnarnilluunniit pulaartoqarluni studiomi pulaartoqartarsinnaaneq eqqartorneqarpoq.

Kiisalu Sorlak inuiaqatigiinni oqallissaarinerunernissaanik siunertaqarluni.

 

๐™Ž๐™ค๐™ง๐™ก๐™–๐™  ๐™Ž๐™ช๐™ ๐™ค๐™ง๐™จ๐™ž๐™ก๐™ก๐™ช ๐™จ๐™ช๐™ก๐™š๐™ฆ๐™–๐™ฉ๐™ž๐™œ๐™ž๐™ž๐™ก๐™š๐™ง๐™ฃ๐™ž๐™จ๐™จ๐™–๐™–๐™ฉ

Ataatsimeersuarnermi Sukorsikkut suleqatiserinninnerat atorluarlugu atsioqatigiinnertalimmik suleqatigiinneq anguniarneqassaaq.

Klubbini inuusuttuaqqanik qanimut sullissisut suleqatigalugit ataatsimut meeqqanut inuusuttunullu tunngasumik susassaqaqatigiinneq pilersinniarneqarnissaa anguniagaavoq.

 

๐™„๐™ข๐™ข๐™ž๐™ฃ๐™ช๐™ฉ ๐™ฉ๐™ค๐™ฆ๐™ช๐™ฉ๐™ฉ๐™–๐™ง๐™ฃ๐™š๐™ง๐™ช๐™ฅ ๐™–๐™ฃ๐™ฃ๐™ž๐™ ๐™ž๐™ก๐™ก๐™ž๐™จ๐™–๐™ง๐™ฃ๐™ž๐™จ๐™จ๐™–๐™–

Ukiuni kingullerni anguniakkani ilaareersimasoq ingerlateqqiinnarneqarnissaa isumaqatigiissutigineqarpoq.

Sorlaap anguniarpaa imminut toqunnissamik eqqarsaateqartunik oqaloqateqarsinnaanermut pikkorissaasarnerit sinerissami ingerlateqqissai.

 

๐™Ž๐™ค๐™ง๐™ก๐™–๐™  ๐™ข๐™š๐™š๐™ฆ๐™ฆ๐™–๐™ฃ๐™ช๐™ฉ ๐™ž๐™ฃ๐™ช๐™ช๐™จ๐™ช๐™ฉ๐™ฉ๐™ช๐™ฃ๐™ช๐™ก๐™ก๐™ช ๐™จ๐™ช๐™ก๐™ž๐™ฃ๐™ž๐™ช๐™ฉ๐™š๐™ฆ๐™–๐™ง๐™ฉ๐™–๐™จ๐™จ๐™–๐™–๐™ฆ

Anguniakkani tamani ilaareeraluartoq anguniagassatut ersarissutut ilanngunneqarpoq meeqqanut inuusuttunullu tunngasumik Sorlak suliniuteqartarnissaa.

Ataatsimeersuarnermi sorlammi ilaasortat kissaataat suliniutini peqataatinneqassapput, kiisalu siulersuisunut ilaasortat meeqqanut inuusuttunullu siuliniutissanik siunnersuuteqartassallutik.